Gipabuto sa suicide bomber ang explosive vest atol sa usa ka kasal sa amihanan-kasadpang Pakistan, nga nakapatay og pito ka tawo ug nakaangol og 25 pa.
Ang suicide bombing nahitabo sa balay sa pro-government community leader nga si Noor Alam Mehsud sa Dera Ismail Khan, usa ka distrito sa probinsya sa Khyber Pakhtunkhwa.
Matud sa lokal nga hepe sa kapulisan nga si Adnan Khan nga ang mga patay ug ang mga nasamdan gidala na sa ospital, diin ang uban anaa sa kritikal nga kondisyon.
Samtang ang mga saksi miingon nga mibuto ang bomba sa dihang nagsaulog ug nagsayaw ang tanan.
Ingon man nga walay grupo nga miangkon sa responsibilidad sa pag-atake, apan ang Pakistani Taliban, nailhan usab nga Tehrik-e-Taliban Pakistan (TTP), gidudahan nga naghimo nunot sa daghang mga pag-atake sa nasud sa bag-ohay nga mga katuigan.
Mitubo pag-usab ang presensya sa grupo human ang Afghan Taliban mibalik sa gahum niadtong 2021, human ang Estados Unidos ug ang North Atlantic Treaty Organization (NATO) miatras sa ilang mga tropa gikan sa Afghanistan human sa duha ka dekada nga gubat.
