Usa ka grupo sa mga tinun-an sa Purdue University sa Indiana, US, nakabutang og bag-ong Guinness World Record human sila makahimo og robot nga makasulbad sa Rubik’s Cube sulod lang sa .103 segundos.
Gilangkuban sa mga estudyante nga sila si Matthew Patrohay, Junpei Ota, Aden Hurd, ug Alex Berta gikan sa Elmore Family School of Electrical and Computer Engineering.
Gisugdan sa grupo ang ilang kaila pinaagi sa usa ka programa sa co-op sa unibersidad.
Gikan niini, nahimugso ang ilang proyekto, nga ilang gihinganlan og “Purdubik’s Cube”, usa ka robot nga nagtumong sa pagbuntog sa speed limit sa natad sa robotics.
Kini nga bag-ong rekord mipuli sa miaging rekord nga gihuptan sa Mitsubishi Electric Corporation’s Component Production Engineering Center, nga sa 2024 nagtakda og record nga oras nga .305 segundos alang sa samang buluhaton.
Ang proyekto dili lamang nagpakita sa engineering ug programming excellence, apan usab ang potensyal sa mga batan-ong inhenyero sa natad sa artificial intelligence ug automation.
