Gibayaw ni NBA superstar Stephen Curry ang Golden State Warriors (GSW) aron modaog batok sa Minnesota Timberwolves, nga adunay usa ka puntos nga bintaha, 116-115.
Si Curry miiskor og 31 puntos ug walo ka assists sa kadaugan sa GSW samtang niamot og 24 puntos si forward Andrew Wiggins.
Wala gihapon nakadula si Draymond Green sa dula sa Warriors apan gipulihan siya sa sophomore nga si Trayce Jackson-Davis isip sentro.
Si Davis misakmit og 15 ka rebounds, ug duha ka block, aron pangulohan ang depensa sa GSW.
Ang 28 puntos nga nahimo sa duha ka guard sa Minnesota nga sila si Anthony Edwards ug Donte DiVicenzo, wala mosalir.
Gipahunong sa Warriors ang pagsulay pagbalik sa Wolves sa 2nd half sa duwa nunot sa 13 puntos nga labaw nga nahuptan sa GSW sa pagtapos sa 1st half.
Napugos ang Wolves paggukod sa GSW sa ikatulo ug kataposang kwarter sa duwa pinaagi sa opensiba nga pagbuto nila ni Edwards ug Donte.
Apan, gipahunong sa GSW ang last-second shot attempt sa Wolves ug gibulsa ang 1-pt nga kadaugan batok sa kontra.
