GENERAL SANTOS CITY – Mukabat sa 9 ka business establishments sa GenSan ang sorpresang gi-inspeksyon sa Social Secuirty System human nasuta nga dili rehistrado ang mga trabahante og wala ga-remit og kontribusyon. Kini alayon sa ikapitong RACE Campaign o ‘Run After Contribution Evaders” sa SSS.
Atol sa pag-inspeksyon, gipasabot ni Atty. Voltaire Agas sa Legal and Enforcement Group sa SSS-Central Office ngadto sa mga trabahante kung unsa nga balaud ang masupak sa wala pagrehistro sa mga employer sa ilang trabahante sa SSS og pagbayad og kontribusyon.
Matud niini, angayang may counterpart contribution ang employer sa SSS contribution sa trabahante nga tanan nalatid sa Social Security Act of 1997.
Sa iyang pahayag, kaso ang atubangon sa employer nga pakyas nga mag-comply sa maong balaud.
Kagahapon, unang gisulod ang usa ka salon sa Brgy. East kung asa nasuta nga 3 sa 6 ka trabahante ang wala narehistro sa SSS.
Adunay prehong bayolasyon usab ang motorpart shop og uban pang establiemento nga gibisita nga anaa sa Matalam St, Zapote, Siniguelas, Quirino Avenue, Sergio Osmena Ave og Daproza Ave.
Sa ilang puwesto adunay gipaskil nga Show cause order kung asa nakalatid nga angayang mag-comply sulod sa 15 diyas.
