Gikumpirma sa South Korea kagahapon, adlawng Sabado, nga nagpabuto kini og warning shot sa mga tropa sa North Korea subay sa utlanan tali sa duha ka nasud.
Ang insidente nahitabo kaniadtong Martes sa hapon, Agosto 19, taliwala sa nagpadayon nga pagtukod sa mga babag sa North Korea sukad sa miaging tuig aron permanenteng pagsira sa utlanan niini sa South Korea.
Sumala sa local media sa SoKor, ang South Korean joint chief of staff miingon nga ilang gihimo ang lakang human ang mga sundalo sa North Korea mitabok sa linya sa demarcation sa militar o nagtimaan sa mga limitasyon o mga utlanan tali sa duha nga mga nasud.
Matod niya nga miatras usab ang mga sundalo sa North Korea human sila nagpabuto og warning shots.
Sumala sa media sa estado, ang North Korean Army Lt. Gen Ko Jong Chol miingon nga ang militar sa Seoul migamit ug machine gun sa pagpabuto og labaw sa 10 ka warning shot sa ilang mga sundalo.
Ang pagpahibalo sa publiko sa maong insidente dungan sa pagbiya sa bag-ong South Korean President nga si Lee Jae Myung gikan sa Seoul kagahapong adlawa aron mobisita sa Japan ug sa Estados Unidos.
Kahinumduman nga nabahin sa duha ang Korea sukad sa Korean War nga natapos kaniadtong 1953.
Walay kasabotan sa kalinaw tali sa duha, mao nga nagpabilin sila sa gubat bisan og pipila na ka tuig sukad nagbinayloay og ataki ang North Korea ug South Korea.
