GENERAL SANTOS CITY – Naapil ang Soccsksargen Region sa critical risk classification sa Covid 19 cases base sa labing ulahi nga advisory sa Department of Health.
Sa katibuk-ang ang nasud ang anaa sa moderate risk sa monitoring sa Covid 19 cases lakip ang kauluhan og Bangsamoro region ang naapil sa moderate risk classifications.
Pipila usab ka rehiyon ang low risk na.
Kahinumduman nga sa nakalabay nga semana halos three digit ang ang mga natala nga kaso dinhi sa Rehiyon 12 apil ang General Santos City nga misirit pag-ayo nga nanguna pa sa matag adlaw nga may labing daghan nga magpositibo.
Una ng gibutyag ni Dr. Jett Oco, local IATF incident nga daghan ang gikataho nga natakdan sa virus apan dali ra usab nga mauli-an tungod kasagaran sa mga residente ang bakunado.
Nagpadayon ang panawagan nga pabakunahan na ang mga bata nga nag edad 12 hangtud 17 anyos lakip na kadtong wala pa gayud mabakunahan aron may pangbatok sa virus.
Samtang gapangandam na sila sa pagbakuna sa mga nagpangidaron og singko hangtud 11 anyos.
