Human ma-eliminar ang Los Angeles Lakers sa ikaduhang hugna sa 2026 NBA postseason, opisyal nang giabiabi sa Philadelphia 76ers si LeBron James isip pinakabag-ong miyembro sa ilang koponan.
Ang 42 anyos nga superstar mipirma og duha ka tuig nga kontrata nga nagkantidad og $8 milyon aron mapalig-on ang puno sa basketall star ang lineup sa Sixers nga gilangkuban nila Joel Embiid, Jaylen Brown, Tyrese Maxey, ug VJ Edgecombe.
Si James, nga nailhan isip NBA’s all-time scoring leader, mosulod na sa iyang ika-24 nga season sa liga.
Tumong niya nga tabangan ang Sixers nga makuha ang ilang unang kampeonato sukad pa niadtong 1983. Sama sa Lakers, ang Philadelphia na-eliminar usab sa ikaduhang hugna sa playoffs human mapildi sa ulahing kampeon nga New York Knicks.
Sumala kang team owner Josh Harris, dako ang iyang kalipay nga makita si LeBron nga moduwa kauban ang ubang mga bituon sa koponan aron madala ang dugay nang gihulat nga kampeonato alang sa Philadelphia.
Bisan sa iyang edad, nagpabilin gihapon si James nga usa sa labing maayo nga magdudula sa liga human makarekord og 20.9 points, 7.2 assists, ug 6.1 rebounds matag duwa sulod sa 60 ka duwa sa miaging season.
Matud usab ni team president Mike Gansey, walay pagduhaduha nga si LeBron usa sa labing bantugan nga magdudula sa kasaysayan sa basketball, ug dako ang iyang ikahatag sa organisasyon.
Gawas sa iyang mga kampeonato, si James usa ka 22-time All-Star, 21-time All-NBA selection, ug upat ka higayon nga NBA Finals MVP. Nakadaog usab siya og kampeonato uban sa tulo ka nagkalain-laing koponan—ang Miami Heat, Cleveland Cavaliers, ug Los Angeles Lakers.
Ang pagbalhin ni LeBron ngadto sa Philadelphia 76ers giisip nga bag-ong kapitulo sa iyang hayag nga karera, ug gilauman nga magdala kini og bag-ong kusog ug paglaom sa mga tagasuporta sa Sixers nga dugay nang nagpaabot sa usa ka kampeonato.
