Usa ka rebelasyon ang gihimo ni Shiela Guo sa Senate subpanel human gibutyag niini nga dili niya biological sister kun dili tinuod nga igsuon si Alice Guo og nailaila lamang niya ang dismissed Bamban mayor dihang siya naga-edad og 17 ukon 18 anyos.
Kini dungan sa iyang pag-atubang sa Senate subpanel on justice and human rights kun asa gibutyag usab niya nga ang ginikanan ni Alice nga silang Jian Zhong Guo og Wen Yi Lin ang dili niya tinuod nga inahan ug amahan.
Si Sen. Sherwin Gatchalian ang nangutana niini kang Shiela.
Una kang Gatchalian, una na nangutana si sub-panel head Sen. Risa Hontiveros kun kinsa ang tinuod nga ginikanan ni Shiela apan mibalibad kini nga magtu8bag tungod nga sumala kaniya aduna kini pending case.
Gawas niini, gibutyag usab ni Shiela nga wala siya gihimugso sa Pilipinas.
Base sa iyang existing records, si Shiela nag-abot sa Pilipinas kaniadtong 2001 og gibutyag usab nga gikan siya sa China.
Gikwestyon ni Hontiveros kun unsa ang rason nga kinahanglan nila maghimo og Filipino identity og magkuha og Filipino citizenship og gitubag ni Shiela nga ang iyang amahan ang naghatag kaniya.
Una niini, gibutyag na ni National Bureau of Investigation Director Jaime Santiago nga si Shiela mao ang Chinese national nga si Zhang Mier og napamatud-an kini pinaagi sa comparative fingerprint analysis nga nagpakita nga usa lang sila ka tawo.
Kahibaluan nga gibutyag ni Shiela nga wala siya makahibalo kun nganong mibiya sila sa Pilipinas og wala man kini hinalung-ong nga ginapangita sa otoridad ang iyang igsuon nga si Alice Guo.
Ang iyang pagkahibalo mao nga nasubo ang iyang igsuon og nagpauban apan wala siya nakahibalo nga mupadulong sila sa Malaysia.
Gisaysay usab niini nga mibiya sila sa Pilipinas sakay sa “a small white boat” og mibalhin sa duha ka dagko nga boats padulong sa Indonesia kun asa sila nadakpan.
Si Shiela nga incorporator sa Philippine offshore gaming operator (POGO) Whirlwind Corp., ang naaresto sa Indonesian authorities sa Mega Mall Batam Centre, sa Riau, Indonesia kaniadtong Agusto 20, 2024.
