GENERAL SANTOS CITY – Gikasuhan na sa kapulisan pinaagi sa regular filling ang nahibilin nga suspek sa pagsupak sa comprehensive dangerous drugs act of 2002 human makasibat sa gipahigayon nga buybust operation.
Matud ni Capt. Rommel Hitalia, deputy chief sa Polomolok Municipal Police Station nga nakasuhan na si Norberto Feliselda nga taga Klinan 6 Polomolok South Cotabato.
Ang nahisgutan ang gawasnon hangtud karon human nakadagan miaging adlaw human napusilan patay ang kauban niini nga si Alfonso de la Cruz nga residente usab sa lugar.
Ka transaction sa kapulisan ang duruha dihang makorner ang mga suspek mibunot ug 38 revolber ug gipabuthan ang mga otoridad.
Matud ni Hitalia nga dugay na nga gipanid-an ang kalihukan sa mga suspek sa pagpayuhot sa druga sa lugar.
Natunol sa mga suspek ang gituhu-ang sachet sa shabu sa puseur buyer ug narekober usab ang armas sa mga suspek.
