Lauman nga ilatag ni Pangulong Ferdinand Marcos Jr. sa iyang unang State of the Nation Address(SONA) ang mga plano sa iyang administrasyon sa mga seryosong problema nga kasamtangang giatubang sa nasud.
Gatuo si Atty. Luis Salazar, usa ka banggiitang abogado sa syudad nga gustong madunggan sa katawhan sa SONA sa Pangulo ang solusyon partikular sa covid 19 pandemic, krisis sa ekonomiya, taas nga presyo sa produktong petrolyo og daghan pa.
Aminado nga wala mibotar kang Pres. Marcos apan dili mahimong makapanaway ilabina nga wala pay bulan dihang nilingkod sa pwesto ang Pangulo. Sa pamahayag ni Atty. Salazar nga kinahanglang tagaan una og tyansa si Pres. Marcos ayha hukman.
Samtang dili pabor si Atty. Salazar sa iagi sa pagsinggit-singgit sa dalan ang pagkontra sa pipila kang Marcos tungod sa karon nga panahon dili na angayang hisgutan ang kabahin sa politika inay ang panaghiusa sa tanang katawhang Pilipino.
Ang SONA ni Pres. Marcos ang ipahigayon sa Lunes, July 25 sa Batasang Pambansa sa Kauluhan .
