GENERAL SANTOS CITY – Kasong reckless imprudence resulting to homicide ang atubangon sa motorista human nabanggaan ang usa ka senior citizen.
Anaa karon sa kustudiya sa Tupi Municipal Police Station ang motorista nga si Datumama Dalingding Gumandil, 56-anyos residente sa Datu Sinsuat, Maguindanao.
Padulong unta sa Koronadal City ang suspek nga gimanehuan ang iyang 150 cc motor dihang kalit nga mitabok sa national highway sa poblacion Tupi ang biktima.
Giila ang biktima nga si Juritha Wincislao Sanglap, 60-anyos residente sa Sitio Saboy, barangay Lunen, Tupi, South Cotabato .
Gumikan sa impact pulos nalagpot sa daplin sa dalan ang biktima ug ang motorista.
Matud sa kapulisan nga gidala pa sa hospital ang biktima apan gideklara kini nga dead on arrival.
Ang driver ang nakaangko usab og mga samad sa iyang lawas.
