Magpahigayon og miting ang mga senador karong Lunes aron hisgutan ang posibleng pagbalhin sa impeachment trial ni Vice President Sara Duterte gikan sa buntag ngadto sa hapon.
Matod ni Sen. Erwin Tulfo, magdesisyon ang majority ug minority blocs sa bag-ong iskedyul tungod sa mga pagkalangan sa husay nga gipahinabo sa dili maayong panahon ug sa umaabot nga deliberasyon sa 2027 national budget.
Samtang, giingon ni Sen. Panfilo “Ping” Lacson nga kadaghanan sa mga senator-judge pabor nga ibalhin sa hapon ang husay sugod Septiyembre 1. Sa gisugyot nga setup, himuon ang regular nga sesyon sa Senado gikan alas-dyes sa buntag hangtod alas-dos sa hapon, dayon magsugod ang impeachment trial alas-2:30.
Molungtad matod pa ang paghusay hangtod alas-7:30 sa gabii o mas dugay pa kon gikinahanglan. Apan, kinahanglan pa kini nga maaprobahan sa caucus sa mga senador, lakip ang konsultasyon sa minority bloc.
Kung magkasinabot, posibleng pormal nga ipahibalo ang bag-ong iskedyul sa Agosto 26
