GENERAL SANTOS CITY – Gibisita ni Senador Bong Go ang fishport sa syudad nga nanghatag ug hinabang sa mga mananagat ug mga trabahante sulod sa pasilidad.
Kini human nasentro ang fishport nga tinubdan sa virus nga mitakod sa daghang residente nga gikan sa ubang lugar sa rehiyon.
Gawas pa niini giadtuan usab sa senador ang mga vendor sa public market sa Barangay Fatima.
Kini ang ikaduha nga sektor nga apektado usab sa pandemya gumikan sa mga lockdown ug kwarantina hinungdan nga nawad-an ug kinitaan.
Gipasabut sa magbabalaud nga ilawom sa Bayanihan 2 ang gobyerno muhatag og ayuda sa mga mananagat, mag-uuma, indigenous people gikan sa sobra nga collection sa gobyerno sa tumong nga mapugngan ang epekto sa pandemya.
Nasuta nga gikan sa dakbayan sa Davao si Senador Go human nakauban si Pangulo Rodrigo Duterte .
