GENERAL SANTOS CITY – Nahimong malinawon ang kinatibuk-ang kasaulogan sa Semana Santa sa Rehiyon 12.
Kini ang gikumpirma ni Police Regional Office (PRO)12 Spokesman Lt. Col Aldrin Gonzales.
Matud pa, luwas ang mga aktibidad sa semana ang alayon sa Ligtas Sumvac 2019 kung asa ang tanang mga aktibidad ang alayon sa panahon sa summer season.
Sa iyang pamahayag nga may mga insidente nga natigayon apan gagmay lamang..
Samtang ang nahitabo sa Tupi, South Cotabato ang wala matud pay kalabutan sa mga aktibidad sa Semana Santa.
Kahibaluan nga patay si Reylan Solaiman Katag, 20-anyos nga lalaki human nga misulod sa usa ka Police Compac sa Tupi.
Gibutyag nga misulod ang suspek sa Compac nga miagi sa likod nga gikuha ang usa ka M16 rifle og pipila ka mga bala.
Gisita sa mga naka-duty nga pulis si Katag apan nagpabuto gamit ang M16 rifle hinungdan napugos ang mga otoridad nga pusilon ang suspek.
Apan dili makatuo ang pamilya sa mga alegasyon sa pulis.
Bisan paman, gibutyag pa ni Lt. Col. Gonzales nga ang kalampusan sa Semana Santa ang gumikan sa gipatumang mga security measures ug ang kooperasyon sa katawhan.
Nagpasalamat usab ang kapulisan sa katawhan sa pagtuman sa mga tambag alang sa kaluwasan sa tanan.
