GENERAL SANTOS CITY – Magsugod ning adlawa ang second round sa Sabayang Patak kontra polio.
Matud pa ni Jenny Ventura development officer sa DOH Sarangani nga gumikan 92% lang ang naangkon sa Region 12 sa miaging hugna paningkamutan nga maaangkon ang 95% nga target.
Ang usa sa mga rason nga gituohan nga wala naangkon ang 95% nga target gumikan ubay-ubay sa mga taga North Cotabato ang wala nabakunahan tungod sa nahitabo nga linog nga daghan ang nagbalhin sa pinuy-anan.
Nasayran nga sugod ugma hangtud sa Pebrero 2, 2020 ang second round sa Sabayang Patak kontra polio nga ang target ang 59 months old paubos.
Walay laing tambal batok sa polio kung dili mao lang ang bakuna aron nga dili makaangkon sa maong sakit.
Gawas sa house to house vaccination, may mga health workers nga naka-assign sa mga simbahan, terminals, malls og laing mga pampublikong lugar aron masiguro nga mabakunahan ang tanan mga bata.
Ang hangyo sa DOH sa mga ginikanan nga magkooperar gumikan alang kini sa kahimsog sa mga bata nga libre nga gihatag sa gobyernio.
