GENERAL SANTOS CITY – Nakatutok ang Sarangani Provincial Veterinary Office (PVET) aron nga dili makasulod ang African Swine Fever (ASF) virus nga daghan ng gipamatay nga baboy sa kauluhan.
Sumala pa ni Provincial Veterinarian Dr. Joselito Gleyo, wala kiniy epekto sa lawas sa tawo kung makaon apan usa ang tawo nga carrier kon makadala sa virus pinaagi sa pagdala sa mga delata ug karneng baboy gikan sa mga nasud nga talamak ang ASF, maong giapil pagbantay ang mag OFW.
Gibutyag nga nagpabiling ASF-free ang Sarangani apan hugot nilang gipatuman ang mga quarantine measures ug ang information drive aron nga magiyahan ang mga anaa sa industriya sa babuyan.
Gani, ning higayuna aduna nay mga quarantine checkpoints sa Gensan ug Sarangani aron dili makalusot ang binuhing baboy nga apektado sa ASF.
Giawhag sa probinsya ang katawhan nga musunod sa mga patakaran aron dili makalusot ang ASF.
