SARANGANI PROVINCE– Gikumpirma ni Dr. Arvin Alejandro, Provincial Health Officer sa Sarangani, nga adunay 3 ka kumpirmadong kaso sa mpox sa probinsya, partikular sa Alabel.
Ang usa ka pasyente nga labing tigulang gi-admit sa Sarangani Provincial Hospital human makitaan og mga ‘lesions’ sa panit.
Gikan kini sa Polomolok ug dugay nga nagpondo sa lugar.
Ang duha pa ka kaso ang kumpirmado sa Rural Healtht Unit-Alabel human magpa-check-up tungod sa ‘rashes’ sa lawas.
Matod pa ni Dr. Alejandro, dili ‘related’ ang tulo ka confirmed cases.
Ang duha ka kaso walay household members nga nakitaan og sintomas, apan ang tigulang nga pasyente adunay duha ka apo nga mibalik gikan sa Polomolok ug nakitaan usab og ‘rashes’ nga giilang ‘highly suspected’ sa mpox.
Gimonitor karon sa Municipal Epidemiology and Surveillance Unit sa Alabel ang tanan nga kaso sa mpox.
Sa pinakabag-ong datos, adunay katibuk-ang 21 nga suspected mpox cases, diin 3 ang kumpirmado.
