GENERAL SANTOS CITY – Gipasidunggan sa Sanggunian Panlungsod si Gensan City Mayor Lorelie Pacquiao ug ang iyang administrasyon sa kalampusan sa Kalilangan 2024.
Mismong si City Vice Mayor Rosalita Nuñez ang nagbutyag nga tinuod ug katingalahan ang selebrasyon niining tuiga gumikan sa paningkamot nga magmalampuson ang maong aktibidad.
Gipasalamatan usab ni Nuñez ang kapulisan, mga sundalo ug mga force multipliers aron masiguro ang kalinaw ug kalampusan sa selebrasyon sa Kalilangan 2024.
Nahimong matud pang katingad-an tungod walay gikataho nga dagkong panghitabo atul sa tibuok kasaulogan.
Usa ang Vice Mayor sa mihatag ug mensahe human sa Parada ng Lahi kauban ang mga apo ni General Paulino Santos.
Isip ikaduha nga labing taas nga opisyal sa dakbayan gipakita ang panaghiusa sa paghinumdum sa anibersaryo sa pagdunggo sa Founder sa dakbayan.
Matud niini ang mga butang nga maghatag ug pagpahinumdum kang General Santos ang angayan nga amumahan sama na lamang sa parke nga nahimutang sa Barangay Dadiangas West nga kaniadto nindot apan karon daw napasagdan na ug wala na gitagad.
