GENSAN – Gipahibalo ni Congresswoman Shirlyn Bañas Nograles nga opisyal nang na-file ang House Bill No. 6554 o ang “Safe Seniors Online Act of 2025” nga nagtumong sa pagpanalipod sa mga senior citizen batok sa online fraud.
Lakip sa probisyon niini ang mandatory reimbursement sa mga bangko ug e-wallets sulod sa 15 ka adlaw alang sa mga senior nga nabiktima sa scam, basta mapamatud-ang walay ilang pagpabaya.
Gipahugtan usab sa balaod ang mga silot batok sa mga kriminal nga manglimbong o mangawat og identidad sa mga tigulang. Magtukod usab og Senior Cyber-Fraud Desks sa matag PNP ug NBI station aron paspas matabangan ang mga biktima.
Dugang pa niini, pagahimuon ang Senior Cyber Support Teams sa matag barangay aron motudlo sa luwas ug husto nga paggamit sa teknolohiya sa mga lolo ug lola.
