GENERAL SANTOS CITY – Mipirma ug tulo ka tuig nga kontrata si Romero Duno sa Golden Boy Promotions ni Oscar de La Hoya.
Kini human ang impresibu nga kadaugan batuk kang Christian Gonzales nga taga Mexico miaging semana didto sa Los Angeles.
Gibasihan sa Golden Boy ang pagkuha sa Gensan boxer mao ang pag knock out sa ilang boksidor nga walay pildi sulod lamang sa duha ka rounds.
Lakip sa gipirmahan nga kontra ni Duno nga malakip nga undercard sa Canelo Alavarez ug Julio Chavez Jr fight sa Mayo ning tuiga.
Atul sa pag-abut niini sa dakbayan kagahapon gianunsyo ni Mayor Ronnel Rivera nga adunay trenta mil pesos nga gante si Duno susama sa uban nga atleta nga mihatag ug kadunggagan sa dakbayan.
Usa si mayor Rivera sa mitagbo kang Duno kuyog sa City Sports division.
Nasuta nga kuyog kang Duno nga miabut sa dakbayan mao si Atty Ed Picson sa ABAP.
