Gilauman nga makakuha ang Pilipinas og kapin upat ka milyon nga metriko tonelada (MT) nga bugas sa 2026.
Kini tungod kay ang pag-import og bugas mobalik sa Enero human sa upat ka bulan nga pagdili sa pag-import nga gipahamtang sa gobyerno aron mapadayon nga lig-on ang presyo sa bugas sa mga umahan sa nasud.
Sumala ni Agriculture Secretary Francisco Tiu Laurel Jr., ang gidaghanon sa pag-import moabot tali sa 3.6 milyon ug 3.8 milyon nga metriko tonelada.
Lakip sa mga butang nga gikonsiderar mao ang forecast sa Department of Agriculture (DA) nga ang produksiyon sa bugas moabot sa 20.3 milyon nga MT sa sunod tuig.
Kini parehas nga target karong tuiga, apan wala makab-ot tungod sa epekto sa mga baha ug uban pang mga problema nga gipahinabo sa mga bagyo.
Kung ang pag-import og bugas magsugod gikan Enero hangtod Pebrero, kini limitahan sa 17 ka pantalan sa tibuok nasud. Kini naglakip sa Manila, Batangas, Tacloban, Bacolod, Iligan, Cagayan de Oro, Davao, Zamboanga, Cebu, Iloilo, Capiz, Tagbilaran, Dumaguete, Subic, Calbayog, General Santos, ug Tabaco.
