Responsable sa paglabay sa bag-ong himugso nga bata giimbestigahan na

GENSAN- Hugot karon ang kooperasyon sa Council sa Barangay Dadiangas West ning dakbayan ngadto sa mga social worker og kapulisan aron masayran kung kinsa ang inahan o responsable sa paglabay sa usa ka bag-ong himugso nga bata sa Silway Fatima.

Nakit-an ang maong bata sa usa ka residente sa lugar nga manilhig na unta sa ilang palibot.

Saysay niini sa Bombo Radyo, ang bata nga iyang nakit-an sa gamay nga kanal ang kumpleto na sa mga parte sa lawas og gibanabana nga anaa sa siyam ka bulan na kini gawas nga aduna pay mga dugo sa lawas dihang nakit-an.

Gilayon kining nangayo og tabang sa mga silingan hinungdan nga girespondihan sa mga social worker sa Barangay og SOCO.

Gilayong gikordon ang lugar kung asa nakita ang maong bata.