Responsable sa Fetus nga nakit-an sa Brgy. Lagao padayong ginasubay sa mga kapulisan

GENERAL SANTOS CITY – Nagpadayon ang imbestigasyon sa kapulisan kabahin sa nakit-ang fetus sa Brgy. Lagao.

Nanawagan ang mga otoridad nga basin adunay testigo sa nagbilin sa fetus nga mukooperar sa otoridad.

Nasayran nga usa ka John Mark Macorol, 20 anyos nga nagpuyo sa Carcoon VIllage, Brgy. Lagao ning syudad ang nanawag sa mga kapulisan human masayran ang kadudahang gibilin nga karton sa ilang lugar.

Sa pag responde sa kapulisan, nakumpirma nga fetus ang anaa sa sulod.

Giputos kini sa itom nga cellophane ug gibutang sa shoe box. Dali dayung niresponde ang mga Personahe gikan sa BSWDO sa Brgy. Lagao aron kuhaon ang maong Fetus ug dal-on sa usa ka purenarya.

Gikasubo sa social workers ang pagbilin sa maong fetus.