GENSAN- Nagpahibalo ang South Cotabato Electric Cooperative, Inc.II (SOCOTECO II) sa tanang Member-Consumer-Owners (MCOs) nga ang residential power rate niminus karong bulan sa Pebrero gikan sa bulan sa Enero.
Anaa sa P1.2436 matag kWh ang gi-minus hinungdan nga ang bayranan karong Pebrero 2026 miubos ngadto sa Php 9.5339 matag kilowatt per hour gikan sa Php 10.7775 matag kWh niadtong Enero 2026.
Ang pagkunhod sa rate nag-una tungod sa ubos nga generation charge, bisan pa man sa pagsaka sa transmission charge ug sa pagpatuman sa interim rate sa Universal Charge – Missionary Electrification.
Nasayran nga daghan ang nakuratan ug mialma ang mga member-consumers sa ilang bayranan sa kuryente niadtong Enero tungod sa pagsaka sa residential power rate alang sa bulan sa Disyembre.
