GENERAL SANTOS CITY – Baynte dos ka bag-ong kaso sa COVID 19 ang natala sa Region base sa labing ulahing report sa DOH – Center for Health Development Soccsksargen Region.
Gibutyag nga 16 ang bag-ong recoveries og walay natala nga bag-ong namatay.
Sa 22 ka ihap sa bag-ong kaso sa COVID 19, siyam gikan sa Sultan Kudarat, pito sa GenSan, tulo sa South Cotabato, duha sa Cotabato Province og usa sa Sarangani nga residente sa Alabel.
Tungod niini anaa sa 2,095 ang kaso sa COVID 19 sa syudad, 57 ang active cases og 83 ang patay.
Sa South Cotabato adunay 1,660 ang kaso sa COVID 19, samtang 33 ang aktibong kaso og 47 ang nagtaliwan.
Sa Cotabato province anaa sa 913 ang kaso, 38 ang active cases og 48 ang nakabsan sa kinabuhi.
Sa Sultan Kudarat adunay 597 ka kaso, 17 ang active cases og 17 ang patay.
Sa Sarangani adunay 580 ka kaso, 18 ang active cases og 18 ang patay.
Sa katibuk-an adunay 5,845 COVID-19 confirmed cases sa Rehiyon 12 kung asa 163 (2.79%) ang active cases, 5,467 (93.53%) ang recoveries og 213 (3.64%) ang COVID-19 related deaths.
