GENERAL SANTOS CITY -Mukabat sa 14 ka bag-ong kaso sa COVID 19 ang natala sa Region 12 base sa labing ulahing report sa DOH – Center for Health Development Soccsksargen Region.
Gibutyag nga walay natala nga namatay og 26 ang bag-ong nakarekober.
Sa nasampit nga ihap siyam ang gikan sa Cotabato, tag duha sa GenSan og South Cotabato samtang usa sa Sarangani nga residente sa Malungon. Gumikan niini anaa sa 2,088 ang kaso sa COVID 19 sa GenSan, 53 ang active cases og 83 ang patay.
Sa South Cotabato adunay 1,657 ka kaso, 34 ang aktibong kaso og 47 ang nakabsan sa kinabuhi. Sa Cotabato adunay 911 ka kaso, 36 ang active cases og 48 ang nagtaliwan.
Ang Sultan Kudarat ang may 588 ka kaso, 9 ang active cases og 17 ang patay.
Sa Sarangani adunay 579 ka kaso, 20 ang active cases og 18 ang patay.
Sa katibuk-an adunay 5,823 ang COVID-19 confirmed cases sa Region kung asa 157 (2.70%) ang active cases, 5,451 (93.61%) ang recoveries og 213 (3.66%) ang COVID-19 related deaths.
