Reaksyon sa katawhan may kalabutan sa pagpawalay-sala sa anak ni Justice Sec. Remulla, dili kalikayan sumala sa usa ka abogado ning dakbayan

GENERAL SANTOS CITY – Giangkon ni Atty. Rey Cartojano, co-anchor Sa Duralex Sedlex sa Bombo Radyo GenSan nga dili kalikayan nga maghuna-huna ang katawhan nga may kalabutan sa pagpawalay sala si Justice Sec. Jesus Crispin Remulla, sa iyang anak nga si Juanito nga giakusahan sa may kalabutan sa illegal droga.

Sa iyang pamahayag nga unta bisag wala nagresign si Remulla sa pwesto apan mas maayo nga nag-leave sa trabaho aron nga dili maimpluwensyahan.

Kini tungod daghan ang nagkwestyon tungod ang mga naghimo og affidavit ang mga personahe sa DOJ sec. Usa sa gikwestyon nganong paspas kaayo ang pagtaral nga wala pa ang tulo ka bulan nadesisyonan na gilayon.

Dili susama sa kadaghanang kaso nga nahitabo nga dugay nga magdesisyon ang korte.