GENERAL SANTOS CITY – Nagpadayon ang migration sa mukapin 100, 000 ka buok mga raptor nga gaagi sa probinsya sa Sarangani gikan sa mga Taiwan, Japan, China apil ang Russia una mupadulong sa nasud Indonesia.
Kini ang hinungdan nga gimonitor sa Environmental Conservation and Protection Center (ECPC) Sarangani, Raptorwatch Network Philippines ug LGU Glan niining semanaha ang muagi nga mga langgam.
Sa miaging tuig mubakat sa 161,719 ka migratory raptors ang miagi sa kawanangan sa Glan.
Namonitor sa Raptorwatch Network Philippines ang Chinese Sparrowhawks, Grey-faced Buzzard, Japanese Sparrowhawks, Osprey, Peregrine Falcon ug Crested Honey Buzzard.
Segun ni Dr. Roy Mejorada, ang in-house veterinarian ug labaw sa Research and Development Section sa ECPC nga daghan na nga mga mahiligon sa bird watching ang nakaagni sa maong panghitabo.
Apan ang ikatulo ka tuig nga Raptor Watch Festival sa Sarangani Raptor Hill sa Barangay Rio del Pilar, Glan, ang kanseladotungod sa nagpadayon nga Coronavirus pandemic.
