Nakab-ot ni Rabiya Mateo ang usa ka dakong kalampusan sa National Medical Admission Test (NMAT) human nakakuha og 741 General Performance Score (GPS), nga nagbutang kaniya sa top 1 sa mga examinees sa tibuok nasud.
Gi-repost sa Miss Universe Philippines 2020 ang usa ka instagram story nga nagpakita sa usa ka post gikan sa Tatak Ilonggo page nga nagsaulog sa kalampusan.
Gumikan sa maong post, dali kining nakakuha og atensyon ug gikumpara pa sa mga netizens si Rabiya sa viral fictional character nga si Linda Walker, nga nailhan tungod sa iyang talagsaong academic performance ug sa pag-iskor og 719 points sa usa ka lisud nga ‘mock exam’ sa drama nga The Heiress Who Won with Brains, diin gibidahan sa Chinese actress nga si Zhang Yingfei.
Ang National Medical Admission Test usa ka standardized exam nga kinahanglan kuhaon sa mga indibidwal nga gusto nga mopadayon sa medisina sa Pilipinas sa dili pa mo-apply sa medical school.
Niadtong Pebrero, gibutyag ni Rabiya nga mo-enroll siya sa medical school.
Usa kini ka calling ug malipayong gipaambit kini niya sa tanan nga mobalik sa med school.
Gipadayag sa beauty queen sukad pa kaniadto gusto niya mahimong doktor.
