Gipaklaro ni Dr. Ryan Aplicador ngadto sa publiko nga mahimo gihapon ma-activate sa lawas ang rabies virus bisan pa og naturokan na og bakuna batok niini.
Matud ni Dr. Aplicador, dili angay pasagdan ang bisan unsang paak o kambras sa mananap nga posibleng adunay rabies, ilabina kung wala masiguro ang kahimtang sa maong mananap.
Gipasabot niya ang importansya sa pagpakonsulta dayon sa health facility human mapaakan o kambrasan sa iro, iring o uban pang mananap nga posibleng adunay rabies.
Bisan pa og nakadawat na og bakuna, kinahanglan gihapon sundon ang hustong vaccination schedule ug tambag sa mga health worker aron malikayan ang risgo sa rabies. Pahimangno usab ni Aplicador nga ang rabies usa ka seryosong sakit ug kung magsugod na ang mga sintomas, mahimo kining makamatay. Busa, mas maayong magpa-checkup ug magpatambal dayon human sa exposure kaysa maghulat pa nga mogawas ang sintomas.
