Gisugdan na sa Quiapo Church ang pagplano sa seguridad alang sa Nazareno 2027.
Matod ni Fr. Ramon Jade Licuanan, kura paroko sa Quiapo Church, sayo nilang gisugdan ang pagpangandam tungod kay gilauman nga minilyon ka mga deboto ang motambong sa selebrasyon sa sunod tuig.
Importante nga maampingong maplano ang seguridad, crowd control ug mga logistical concerns tungod sa kadaghan sa mga partisipante ug sa kagamay ug kahugot sa mga dalan sa Maynila.
Nakadiskedyul usab sila sa pagsugod sa mga tigom uban sa kapulisan, militar, ug mga opisyal sa Malacañang alang sa pagpangandam sa nahisgutang Nazareno 2027.
Giawhag usab niini ang mga diyosesis sa tibuok nasud nga magpahigayon og lokal nga selebrasyon pinaagi sa programang “Dalaw Nazareno.”
Pinaagi niini, makatabang kini sa pagkontrolar sa kadaghan sa mga tawo nga motambong ug sa mas halapad nga pagpalapad sa debosyon ngadto sa Nazareno.
