GENERAL SANTOS CITY – Dugangan sa LGU Sarangani ang mga quarantine checkpoints aron dili malutsan sa buot mupalusot og mga hog animals sa probinsya.
Nasayran nga gibutang sa total lockdown ang Sarangani sa pagpasulod og pagpagawas og mga baboy og produkto niini aron maprotektahan ang pagkuyanap sa African Swine Fever kon ASF.
Matud ni Dr. Bernard Cababat, acting head sa Sarangani Provincial Veterinary Office, nga adunay 14 ka mga aktibo nga quarantine area ang nagabantay sa pito ka mga munisipyo sa probinsya.
Kahinumduman nga ang Davao Occidental ang nagpositibo sa ASF kun diin adunay kapin usa ka libo nga mga baboy ang namatay sa Don Marcelino sa nasamipt nga probinsya.
Dugang pa ni Dr. Cababat nga ang quarantine checkpoints gibutang sa Barangay Malungon Gamay Malungon, Batulaki Glan, Maribulan Alabel ug Tinoto Maasim.
