Nagpagawas karong adlawa, Setyembre 4, 2026, og warrant of arrest ang Quezon City Regional Trial Court (QC RTC) batok kang Vice President Sara Duterte, may kalabotan sa iyang giatubang nga mga kaso nga grave threats.
Diha-diha usab nga nagpagawas og opisyal nga pahayag ang legal counsel sa Bise Presidente nga si Atty. Paul Lawrence Lim kalabot sa maong mando sa korte.
Gipasiugda ni Lim nga wala’y bisan unsang intensyon ang Bise Presidente nga molikay sa proseso sa balaod bisan pa sa mga isyu kalabot sa hurisdiksyon sa korte.
Matud sa abogado, bisan pa sa pangutana kabahin sa hurisdiksyon, walay tuyo si Duterte nga molikay sa balaod ug magpadayon siya sa paggamit sa tanan niyang legal nga remedyo.
Gipahayag usab nga gamiton sa kampo sa Bise Presidente ang tanang angay ug magamit nga legal nga remedyo aron atubangon ug tubagon ang mga legal nga isyu nga giatubang niya sa korte.
Mitungha ang maong bag-ong isyu taliwala sa nagpadayong impeachment trial batok sa Bise Presidente.
Ang impeachment trial anaa na sa ika-21 nga adlaw niadtong Miyerkules, diin gipa-testigo si kanhi DepEd Undersecretary Michael Poa, nga usa usab sa mga abogado ni Duterte.
