GENERAL SANTOS CITY – Nagpadayon ang gihimong imbestigasyon sa kapulisan sa girespondihan nga insidente sa pagpabuto og armas sa usa ka pulis kauban ang duha ka lain pa sa Blk 2 Lot 6 Pioneer Village, Brgy Lagao ning dakbayan.
Matud kang Police Captain Miguel Angelo Quidilla,alas 8:30 kagabie nakadawat og report hinungdan nga gilayong girespondihan kauban sa mga ginsakpan. Sa inisyal nga report, gikabutyag nga ang gialegar nga nagpabuto giila nga si PCpl Giecar Paral, hamtong ang pangidaron, minyo, nadestino sa Mobile Patrol Unit, GSCPO.
Kauban sa nasampit nga PNP Member ang nagpangalan og Enriquito Daquera alias Pikot og ang usa ang wala pa mailhan.
BAse sa reklamo sa nagpangalan og Mark Anthony Lansangan, 37 , nga residente sa lugar, ang mga suspek ang anaa sa impluwensya sa ilimnong makahubog. Niabot sa tindahan sa maong lugar ang tulo aron mamalit og ilimnon apan ang usa ang kalit lang nasuko sa wala masayran nga rason hinungdan nga nagpabuto og pusil .
3 ka empty shell sa 9mm ang narekober sa kapulisan duol sa tindahan .
