General Santos City | Malaumon si Engr. Riza Marie Paches, department head sa Public Safety Office kon PSO sa dakbayan nga dili magdugay ang paghatag sa sabsidiya sa mga tricycle drivers nga gikan sa gobyerno.
Matud ni Engr. Patches, wala kini masayod kung kanus-a madawat sa mga benepisyaryo ang ilang sabsidiya apan sa iyang pagbanabana posibilidad nga madawat kini sulod sa upat ka bulan sukad nga gisumite ang mga dokumento.
Gibutyag usab niini nga sa ilang listahan anaa sa 6,000 ka mga tricycle drivers ang nagsumite sa ilang pangalan sa DILG. Sa iyang pamahayag nga mga franchise holders lamang ang makadawat og walay apil ang mga kolorum base sa kamanduan.
Samtang anaa na sa kamot sa DILG ang pagdetermina kung pila ang madawat sa mga nasampit og pila usab ka mga triycle drivers ang mahimong benepisyaryo.
