Mas gipadali na karon ang proseso alang sa mga magtiayon nga buot mo adopt ug anak gumikan ilalum sa Republic act 11642 kon Domestic administrative adoption and Alternative child care act kung asa nakalatid niini nga tanang mga adoption cases o alternative parental care maadto na sa National Authority for Child Care kon NACC.
Matud kang Norania Sarip Social Welfare Officer III sa DSWD-12 nga mas dali ang proseso karon gumikan kung kaniadto kinahanglan pa nga muagi ug korte alang sa pag adopt sa usa ka bata apan sa kasamtangan muidretso na sa opisina sa Regional Authority for Child Care Office nga makit an sa sulod sa compound sa DSWD-12 sa Koronadal City.
Gikabutyag pa niini nga sa Hunyo 12 magbutang ang ilang opisina ug health desk sa managlahing mall sa Soccksargen aron matubag ang mga pangutana sa mga buot mag adopt ug bata samtang sa Hunyo 13 may ipahigayon nga programa sa ilang regional office atol sa flag ceremony aron nga mahisgutan ang mga kabag uhan sa maong balaud
