Mihangyo ang Office of the Prosecutor sa International Criminal Court (ICC) nga ibasura ang hangyo ni kanhi Presidente Rodrigo Duterte alang sa iyang interim release samtang nagpadayon ang kaso batok kaniya may kalabutan sa giyera kontra droga sa Pilipinas.
Sa 15-ka-panid nga dokumento nga gipetsahan Hunyo 23, gipirmahan ni ICC Deputy Prosecutor Mame Mandiaye Niang, kung asa nakalatid nga dili angayang tugotan ang pagpagawas sa bilangguan ni Duterte bisan pa og adunay nasud nga andam modawat kaniya.
Una niini gibutyag sa kampo ni Duterte nga dili siya peligro nga mu-ikyas ug ang humanitarian considerations ang ilang gibasehan sa ilang gipangayo nga interim release samtang nagpadayon ang proseso sa korte.
Si Duterte kasamtangang naa sa kustodiya sa ICC sa The Hague, ug nag-atubang og kasong crimes against humanity gumikan sa kampanya batok sa ilegal nga droga
