GENERAL SANTOS CITY – Nagpahigayon og monitoring activity sa mga backyard garden sa Brgy. Ladol ang mga personahe sa Alabel Barangay Affairs Office subay sa direktiba ni Mayor Vic Paul Salarda aron masiguro nga mamahimong sustainable ang backyard garden ug mapangitaan og dugang pa nga interbensyon alang sa libre nga semelya sa gulay gikan sa Department of Agriculture ug Office of the Municipal Agriculturist.
Tumong niini ang pagpalambu sa mga backyard vegetable garden aron makatabang ug makahatag og additional income sa matag pamilya. Gawas sa masustansiya nga gulay nga mahimong panud-an, ang sobra ang mabaligya sa food hub matag adlawng Martes. .
Ang backyard gardening ilawom sa 5K masagana Alabel Program nagtumong sa pagpalambo sa backyard gardening ug organic farming . Kanunay ginabisita sa Barangay affairs ang mga tanum nga gulay sa matag balay samtang nagpahigayon ug profilling sa mga panimalay nga adunay garden sa tugkaran.
Nasuta nga may pundo nga ginahatag ang LGU alang sa mga residente aron gamiton sa pagpalambo sa ilang backyard gardening.
