GENERAL SANTOS CITY–Nakatala og labing unang kaso sa COVID-19 sa Sarangani Province. Basi sa Soccsksargen Region Situation Report for Covid 19 sa DOH-12 Center for Health Development, duha ang bag-ong kumpirmadong kaso sa covid 19 sa Region 12 nga nagpasaka sa katibuk-ang ihap ngadto sa 22.
Ang ika-22 nga nagpositibo sa sakit usa ka 70 anyos nga lolo hinuon anaa sa stable ang kondisyon sa nasampit samtang gisusi pa ang history sa biyahe niini.
Kahibaluan nga anaa sa Modified GCQ ang tibuok Sarangani pinasubay sa Executive Order No. 12 nga gi-isyu ni Governor Steve Chiongbian Solon niadtong April 29.
Samtang, ang ika-21 nga nagpositibo sa covid 19 sa Region 12 mao ang usa ka 19 yr.old nga lalaki nga taga North Cotabato apan anaa karon sa stable nga kondisyon.
May travel history sa Davao City ang pasyente kung diin nahitadangat sa North Cotabato niadtong May 6.
Nasayran nga mukabat sa 35 ang nareport nga namatay sa covid 19 sa Region samtang walay nadungag nga suspect, probable og confirmed covid 19 death sa Region kagahapon.
