Gi-awhag ni Police Brig. General Alexander Tagum, Regional Director sa Police Regional Office 12 ang iyang mga sakop hilabi na ang mga chief of police, provincial director ingon man city director nga dili mubalibad sa unsa mang interview sa media.
Iyang gihingusgan nga trabaho sa media ang magbalita hilabi na ang dagkong panghitabo sa tibuok rehiyon-12 busa angayan nga mutubag sa mga interviews.
Sumala pa kang General Tagum nga dili anindot paminawon nga adunay usa ka pulis nga mubalibad sa interview tungod gahatag kini ug negatibo nga imahe sa kapulisan sa sektor sa media.
Gihingusgan sa maong opisyal nga angayang partner ang media ug ang PNP sa tanang programa tungod pinaagi sa media masayran sa publiko ang mga katikaran sama nalang sa mga programa ug accomplishment sa kapulisan.
