Gitubag sa Police Regional Office 12 ang panawagan sa pagtabang sa mga naapektuhan sa bagyong Kristine pinaagi sa pagpadala ug makaon, sapot ug uban pang magamit sa mga biktima.
Gani nagpahigayon ug send off ceremony si PBGen James Gulmatico Officer-in-Charge alang sa pagpahigayon ug relief operations.
Atul sa Traditional Monday Flag Raising Ceremony sa Grandstand, sa Camp Gen Paulino T Santos, Barangay Tambler, ning syudad kagahapong adlawa.
Mukabat sa 25 ka mga personnel ang gipdala sa kapulisan sa rehiyon dose aron mutabang sa Police Regional Office 5 sa Bicol alang sa paghatag sa mga hinabang sa mga biktima sa Tropical Storm Kristine nga nagresultas a lapad nga danyos ug paghikling sa mga residente sa tibuok rehiyon.
Matud ni Gulatico nga mukabat sa Php 563,214.00 kantidad sa relief goods apil ang food packs, hygiene kits, medical supplies, ug uban nga essentials ang dala sa mga ginsakpan nga gikan usab sa mga residente sa syudad ug uban nga institusyon aron tabangan ang mga biktima.
Gikadugang sa Opisyal nga gipakita sa kapulisan ang suporta sa pagresponde sa unsa mang kalamidad.
Nasuta nga kaniadto nagpadala usab ug hinabang ang PRO 12 sa Visayas dihang apektado ang mga residente sa makusog nga bagyo.
