GENERAL SANTOS CITY – Nagpabilin nga walay pagsaka sa presyo sa isda sa mga merkado dinhi sa syudad luyo pa man sa gipatuman nga lockdown sa GenSan Fishport tungod sa natala nga kaso sa COVID-19.
Sa karon pipila lamang ka mga klase sa isda ang makita sa merkado kung asa ang presyo sa bangus nagpabilinsa P170.
Sa presyo usab sa mga gamay nga tilapia anaa sa P70, samtang sa mga dagko P130. Ang presyo usab sa borot naa sa P50 hangtud sa P60 nagadependi kini sa klase.
Sa kitang anaa sa P220, pusit P160 ug P90 sa pirit. Nasayran nga kani nga mga isda gikan kini sa GenSan Fishport kadto pa alas 12:00 sa kaadlawon sa petsa dose kung asa katapusan nga adlaw human nga gipatuman ang lockdwon sa maong pasilidad sulod sa upat ka mga adlaw.
Hinoon gibutyag sa mga nagabaligya sa merkado nga walay angay ikabalaka ang mga residente sa mga nagkatag nga report nga adunay dako nga posibilidad nga musaka ang presyo sa mag isda.
