GENERAL SANTOS CITY – Gikabalak-ang muusbaw ug 25% ang presyo sa isda sa nasud gumikan sa excise tax sa mga produktong petrolyo.
Usa kini sa 16 ka resolusyon sa nagpadayong 19th National Tuna Congress dinhi sa siyudad, aron i-apela sa Senado nga ma-exempt ang mga anaa sa fishing sector sa excise tax.
Matud kang Rosana Contreras, executive director sa SOCSKSARGEN Federation of Fishing and Allied Industries (SFFAII), 60 ngadto sa 70% sa operation costs sa matag barko ang alang sa produktong petrolyo.
Hinungdan nga kon dili matud pa ma-e-exempt sa excise tax, laumang muusbaw ang presyo sa isda kung asa ang mga konsyumante ang maoy nag-unang maaapektuhan.
Kahibaluan nga anaa na Senado ang naasoy’ng isyu, kung asa gatambong ang mga taga-SFFAII sa gipahigayon nga mga pagdungog.
Kahibaluan nga ning adlawa mahuman ang 19th National Tuna Congress nga gitambungan sa mga dagkong personalidad gikan sa local ug international fishing sectors, lakip na mga concerned government agencies, aron hisgutan ug magpasa ug mga resolusyon kung sa unsa mapalambo pa ang tuna industry sa nasud.
