Niinsister si House Ways and Means Committee Chairperson ug Albay 2nd District Representative Joey Salceda nga dili angayng magkompyansa taliwala sa pagtidlom sa inflation rate.
Matod ni Salceda, kinahanglan pa nga bantayan ang presyo sa bugas, ang pangunang pagkaon sa mga Pilipino, ingon man mais, nga makaapekto sa presyo sa karne, manok, ug isda.
Dugang pa niinni nga ang rate sa pagsaka sa presyo sa bugas nagpabiling taas sa 5.7%, samtang ang inflation rate sa mais 6.9%.
Samtang nagatuo si Salceda nga ang pagkunhod sa inflation sa pagkaon tungod sa pagkunhod sa presyo sa prutas, gulay, isda, ug asukal.
Sa laing bahin, nanghinaot nga ang kasarangang inflation rate karong Septiyembre makahatag ug kahigayonan sa administrasyon nga madugangan ang paggasto o mga programa nga makapadasig sa ekonomiya ug makapauswag sa serbisyo.
Kahigayonan usab kini sa Bangko Sentral ng Pilipinas (BSP) nga makalihok atubangan sa pag-adjust sa level of interest sa US Federal Reserve ug uban pang sentral nga mga bangko.
