Mahimong muabot sa P5 ang pagkunhod sa presyo sa bugas pag-abot sa Enero sa musunod nga tuig sumala kang Department of Agriculture Secretary Francisco Laurel Jr.
Kini human usab sa pagkahurot sa stocks sa sobra nga nabilin nga imported rice sa mahal nga taripa og mahal nga presyo niadtong katapusan sa Agosto samtang ning bulan usab sa Setyembre ang ginakonsumo nga bugas o humay ang gikan niadtong Enero hangtod Hunyo nga napalit nga hilabihan kamahal sa local traders o local buyers.
Gipaklaro pa sa kalihim nga ang presyo sa merkado, nagabase sa stocks nga una ng napalit sa mas taas nga taripa.
Apan tungod sa EO No. 62, gikunhoran na ang gipahamtang nga taripa sa imported rice gikan sa 35% sa 15%.
Nakabenepisyo usab ang lokal nga mag-uuma gikan sa P29 matag kilo hangtod P30 matag kilo nga buying price sa humay sugod Enero hangtod Hunyo nga nagresulta sa mas taas nga retail price sa bugas sa merkado.
Base sa monitoring sa DA, ang retail price sa bugas sa Metro Manila ang miubos og P42 matag kilo gikan sa P50 matag kilo nga presyo sa bugas sa mga nakalabay nga bulan.
