Niabot na sa India si Presidente Ferdinand Marcos Jr. alang sa lima ka adlaw nga state visit.
Ang eroplano nga gisakyan sa presidente mitugpa sa Indira Gandhi International Airport sa New Delhi mga alas 2:20 sa hapon (local time sa India).
Giubanan siya sa pagbisita ni First Lady Liza Araneta-Marcos ug sa iyang delegasyon nga giabi-abi usab sa mga opisyal sa India ug nagpahigayon sa tradisyonal nga Indian dance.
Human sa mga unang aktibidad, ang presidente miadto sa Taj Mahal Hotel alang sa usa ka courtesy call uban sa Indian External Affairs Minister Dr. S. Jaishankar ug adunay usa ka briefing alang sa iyang state visit.
Ang Presidente nakighimamat usab sa Filipino community sa India.
Base sa Department of Foreign Affairs, adunay mokabat sa 200 ka mga Filipino, kadaghanan niini anaa sa New Delhi, samtang adunay 1,356 ka mga Filipino ang narehistro sa India.
Karung adlawa usab, ang presidente makigtagbo sa Presidente sa India nga si Droupadi Murmu.
Ang presidente adunay bilateral meeting uban sa Indian Prime Minister Narendra Modi diin hisgutan sa duha ang lig-on nga relasyon tali sa India ug Pilipinas.
