Gipirmhan na ni Presidente Ferdinand Marcos Jr. ang balaodnon nga nag-postpone dayon sa 2025 Barangay ug Sangguniang Kabataan Elections.
Ang maong balaod nag-ingon nga imbes sa Disyembre 1, 2025 ang BSKE ipahigayon na sunod tuig sa Nobyembre 2, 2026.
Nalatid usab sa Republic Act 12232 nga ang termino sa Barangay Officials ug Sangguniang Kabataan lugwayan gikan sa tulo ka tuig ngadto sa upat ka tuig.
Ang mga opisyal sa barangay ug SK officials makaserbisyo lang og tulo ka sunodsunod nga termino sa samang posisyon.
Nalatid usab sa balaod nga ang mga incumbent barangay officials nga nagserbisyo sa ikatulo nilang sunod-sunod nga termino dili tugotan nga makadagan sa samang posisyon sa umaabot nga Nobyembre 2026 Barangay ug SK Elections.
Ang balaod nag-require usab sa Commission on Elections nga mag-issue og implementing rules and regulations mahitungod sa balaod sulod sa 90 ka adlaw.
