Mobisita sa Singapore si Pangulong Ferdinand Marcos Jr. alang sa lima ka adlaw nga working visit karong adlawa , Oktubre 7 hangtod Oktubre 11.
Tumong sa maong pagbisita nga mapalalom pa ang relasyon tali sa Pilipinas ug Singapore, ilabina sa aspeto sa ekonomiya.
Matod ni Foreign Affairs Assistant Secretary Analyn Ratonel, mismo si Singapore Prime Minister ug Minister for Finance Lawrence Wong ang nagdapit kang Marcos sa maong pagbisita.
Sa pagbisita ni Pangulong Marcos sa Singapore, gilauman nga motambong siya sa 24th Forbes Global CEO Conference, diin makauban niya ang pipila ka dagkong Singaporean ug global business leaders. Dinhi niya ipaambit ang mga prayoridad sa investment ug ekonomiya sa administrasyon alang sa pagpalambo sa mga importanteng sektor.Lakip usab sa iskedyul sa pagbisita sa Pangulo sa Singapore ang pag-adto niya sa Singapore Nuclear Research and Safety Institute.
