GENERAL SANTOS CITY– Daghang mga hagit ang giatubang sa Philippine Red Cross Sarangani- Gensan aron lang makatigom og daghang supply sa dugo, kini sumala pa ni Merly Gludo, administrator sa PRC Sargen.
Matud pa niini, kulang ang supply sa dugo ning higayona nga misamot pa kanihit sa kasamtangan karong sitwasyon nga nakasinati og pandemya gumikan limitado ang ginapahigayon nilang blood donations ilabina nga ginalikayan ang panagtapok.
Usa pa sa mga hagit nga giatubang ning panahuna nga ang mga fully vaccinated batok sa COVID 19 ang makadonate og dugo human pa sa 28 ka adlaw.
Sa pamahayag ni Gludo nga kada adlaw 50 ka bags sa dugo ang ilang ma-release sa mga nangihanglan.
Nanawagan si Gludo sa tanang mga adunay himsog nga panglawas og kwalipikadong mag-donate og dugo. Bililhon ang dugo sa tawo kung diin makasumpay ug kinabuhi sa tawo nga nangihanglan.
Sa mga gusto nga mahimong blood donor pwede muadto sa buhatan sa Red Cross sa City hall compound.
