-- ADVERTISEMENT --
Mipaabot si Pope Leo XIV ug mga pag ampo alang sa mga biktima sa linog sa Cebu
Atol sa iyang sinemana nga misa sa St. Peter’s Square sa Vatican dungan sa pagsaulog sa Jubilee of Migrants and Missionaries, iyang giapil ang mga naapektuhan sa linog.
Matod niya nga kinahanglang magpabilin silang nagkahiusa ug mosalig sa Ginoo.
Unang mipadangat sa iyang pahasubo ang Santo Papa usa ka adlaw human sa linog.
Suod niya ang Cebu kay nakabisita na siya niini pipila ka tuig na ang milabay.
-- ADVERTISEMENT --
Kahinumduman nga di mominos 72 ka mga tawo ang namatay, diin ang Bogo City maoy labing grabeng naigo.
Adunay usab 294 ang nasamdan ug 20,000 ang uban nga gipabakwit gikan sa ilang mga balay.
